كيكه الأيسكريم

صقر الاحمر الخميس سبتمبر 10, 2009 8:47 pm

مرحبا بالجميع

في فترة من الفترات.. استجنيت على شي اسمه كيكة اسكريم
وفي عيد ميلادي، جابوا ليي وحدة من باسكن، وصرت جدي

بعدها بفترة
جى عيد ميلادي الثاني
قلت بهالمناسبة اني باسوي كية اسكريم

جهزت ليها من قبل طبعا، عشان يمديها تجمد يوم ميلادي

شريت الايسكريم، والكيك، وكريمة خفق، والهيرشي وبدينا شغل

سويت الكيكة، كيك بيتي كروكر شوكولاتة سوداء، حسب تعليمات العلبة

بعدين قصيت الكيكة نصين.. صار نص اكبر من الثاني
وحطيت كل واحد في قالب مختلف، متحرك القاعدة لازم.. وندخلهم الفريز يبردوا
" سويت الكيكة في المربع تالي قصيت من الزوايا على قد القالب الدائري، وصاروا واحد مربع وواحد دائري"

الحين جهزنا الايسكريم
اخذت هالنوع

اول شي، طلعت الفانيلا، خليته يلين شوية، وحطيت طبقة فوق الكيكة، وعلى طول في الفريز عشان يرجع يجمد

نطلع النكهة الثانية ( اخذت كاراميل ) ونخلها تلين شوية، بعدين نطلع القوالب واحد واحد ونحط طبقة من الايسكريم ونرجع ندخلهم الفريز

الحين نخليهم يجمدوا زين مازين (خليتهم طول الليل)
ونسوي الكريمة حسب التعليمات

نطلع القالب من الفريز ونحط طبقة كريمة، ولازم نخلي شوي للجوانب، ونرجع ندخلها الفريز
بعدين لما تتماسك نطلعها ونفكها

الحين نحط كريمة على الجوانب، ونرجعها طبعا.. الفريز
وقت التقديم، نطلعها ونحط هيرشي

وتؤكل بكل سعــــــــــــــــــادة

هذي قطعة من القالب الدائري

وهذي من القالب المربع

تفضلوا كلكم

ملاحــظــــــــــاتي

* طبعا هذي اول تجربة لي مع كيك الايسكريم، واعتبرها ناجحة، لأنها لذيذة.
* الكريمة كانت نقطة ضعف، لأنها تجمدت واجد نسبيا، لو كانت الكريمة اطرى كان أفضل.
* الايسكريم لين واجد وسريع الذوبان، لو كانت النوعية مختلفة، نوعية تتجمد أكثر، كان بيكون أحسن لأن تبهدلنا من سرعة الذوبان.
* قص الكيك ماكان متساوي، وطلع قالب فيه طبقة سميكة والثاني طبقة اضعف، لكن الاثنين لذيذين.

وبالهنــــــاء والسعــادة والانتعـــاش

تحياتي لكم